Magine !
Tu restes in Frinche, pèr eximpe, Marseille, et tu vos un moés à Lubjana, in Slovénie. T'es à l'est ed Marseille.
Tu rviens, et deus ins aprè, tu pèrs un in à Galati, in Roumanie. T'es coèr puss à l'est qu'ech keup ò t'os étè in Slovénie.
Continuons !
Un jour, tu vos, pour unne smangne pèr eximpe, à Ivanovo, in Russie.
Mi, ej pinse alorss à Typhon, din Tintin, qui vo toudi, li, puss à l'ouest, o à Jacques Higelin qui dit eq quanq tu tornes troés keups à droéte, tu rviens chu t'gauche.
Quoé qu'i vo s'passer ?
Un jour, t'iros p't'ête un in à Irkoutsk, in Russie étou, pi p't'ête aprè, à Bethel, in Alaska. Et un jour, tu pourroais aller à Crozon, in passant pèr Pétchin. Et tu sros casi érvenu à t'moaison à Marseille.
Ej té précise qu'à Irkoutsk, des keups in ivèr, i put foaire moinss soéçante degrés, et eq t'es mie obligé ed pèrtir conme ho. Os pouvons vive ureus in restant in Frinche.
Ah, ches jonnes !
Mi, ej su jonne. Din m'tète.
Bec à tertous.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Jacques Higelin qui dit eq quanq tu tornes troés keups à droéte, tu rviens chu t'gauche.
RépondreSupprimer....Ch'est conme à bidet , si té monte a gueuche t'es adroét ; mé si té monte à droéte té gueuche ! adé ez zéf