- "Mais quoé qu'i vo coèr nos sortir ed chin capieu, ED ?" qu'os vos disez seuremeint in rbéïant ech tite dech l'article.
Os pouvez. Ch'est vot droét ; Os êtes libes ed pinser.
Feut qu'ej vos conte :
J'os intindu un jour des gins crier :
- "Diu est ach'bistrot, Diu est ach'bistrot."
Granmint surprins ed savoèr eq Diu étoait din ches alintours, j'os voulu l'rincontrer. A min tour, j'os don étè ach bistrot.
- "O-jou eq Diu est ?" qu'ej dminde in rintrant.
Ches gins me rbée'te avuc leus ius, conme chi is avoai'te rin comprins.
I n'o un qu'avoait bin comprins et qui m'dit eq Diu est mie lò, minme ch'il est pèrtoute in minme tans, qu'i pèroait.
Effectivemint, mie un ed ches gins n'rsannoait à Diu.
- "Quoé eq ch'est qu'ech brin lò ?", qu'ej mé dminde. "Etoait-i unne cacouille eq m'avoai'te foaite ches gins qu'avoai'te ciré ? O étoai'te-is seus ?"
A vir leu dgile, i m'sanne eq ch'est mie aditè pour eux d'ête seu.
P't'ête eq Diu étoait vnu boère un keup pi rpèrti avant eq j'arrive !
Quoé qu'ej pux dire, ch'est eq min Diu est grind, et qu'i vut mie foaire ed mau à ches gins. Ch'est pour ho eq j'éroais bin ainmé l'rincontrer et boère ,mi étou, un keup avuc li.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Oué !! Ét'n histoére ha s'éroét passé au momint d'ech Tour ed France ; j'éroés comprind ; mé la !?? ....A coeuse qu'éj dis el Tour de France ? Ben ....pasque " Jésus crie et la caravane passe " Adé ez zéf
RépondreSupprimer