Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

jeudi 21 avril 2016

Abraham et fiu

T'os seuremint djò vu ho, eds interprinses ò din ch'nom i o "père et fiu", o "ed père in fiu", o eq ch'est des frères qui ouvre'te insanne.

Eximpes :
"Bush, présidints ed père in fiu",
"Debré, minisses ed père in fiu",
"Dalton frères, agripeus",
"Labèque soeurs, musiciennes", à n'mie confonde avuc "Dechbec frères, frères",
"Zavatta père et fius, cleusses",
... .

Lò, quanq eq j'écris Abraham et fiu, ho rsanne ach nom d'unne interprinse.

In vrai, rin à vir ! Ch'est ch'nom d'un live qu'ej lis achteure et qui conte l'vie d'un père, Abraham, et ed chin fiu, Franz, din ches innées mile-nu-chint-soéçante in Frinche.L'fanme d'Abraham, mère ed Franz est morte. Mais kmint ?

Ej vos mie os in dire puss, mais ch'est fin régalant à lire, et aisié. Ch'est pour ho qu'ej vos in cause innui.

Disez-mi, un jour, chi ho vos o baillé l'invie de l'lire et quoé qu'os in pinsez.

Becs à tertous.

3 commentaires:

  1. Té vux sawoér écmint qu'al est morte ?? O peut dminder à Hercule Poirot d'évnir .... LOL! Bouéne lécture à tizote ! adé ez zéf

    RépondreSupprimer
  2. Bojour ech Zèf.

    Granmint merchi pour tes commintères. Dis-mi, chi t'os un blog, pux-tu m'bailler echn'adresse ?

    Adé.

    RépondreSupprimer
  3. Seur éq oui qué j'm'in vo t'el bailler conme cho té pouros étou m'laissier quéques conmintaires d'sur mes billets ! Pi étou m'bailler un molé d'éyude raport a Google+ ! A quoé qu'a sert ?? Veut ti miux qu'j el foaiche ?? Vlo m'n adréche : EL COIN D'CHÉS PICARDISANTS Tu m'diras koi , si t'os ruchi a t'connecter ! Marci ; adé ez zéf

    RépondreSupprimer