Timpe au matin, j'os inmné m'fille prinde un train. Nos falloait acater ech billet ed train avant.
Os arrivons à l'station et j'dis à m'fille :
- "Brin ! ech guichet est frunmé."
Un onme, qui ouvre din l'station, qu'étoait lò et qu'avoait tout intindu m'dit :
- "Nan ! ho vo ouvrir."
- "Don, h'est frunmé, achteure." eq j'i réponds.
- "Ho vo ouvrir." qu'i rdit.
J'os rin dis ed puss. I sannoait ed méchante humeur, et j'vouloais mie qu'i s'mette in prousse.
Avuc m'fille, os avons attindu quèkes minutes et acaté ech ticket quanq ech guichet o étè ouvert.
Chi t'os tes ages innui, cros bec à ti.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
'Jour tout l'monne ! ...."Brin ! ech guichet est frunmé." Est drole éq tu diches cho , cha m'foét pinser a ch'live eq j'su t'in route a lire , ch'est un viux Lanchron éspecial piéche ed théïate ...Pi la d'où qué j'su t'arrivé i o ch'souffleu qu'i est muché din s'boéte a rase dé ch'planché pi qu'i kminche a atuire , a houspiller ch'comédien in li disant : A n'étoét mie "BRIN à tin tchu" qu'i falloét dire ; ch'étoét "prins tes étchus" !!A m'o bien foét rigoler des cacouilles paréls ... Dit mmé un molé min camarate ; a t'arrive ti ed t'edviser in Picard avu t'file ?? pér exémpe quante tu y i o dis Brin ch'guichet i est freumé ! L-l os tu dis in Français obien in Picard ?? Adé ech'zéf
RépondreSupprimer