Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

jeudi 31 mars 2016

O-jou qu'ej reste

Etes-vos obligés ed savoèr ò qu'ej reste pour miu comprinde quoé eq j'écris ?

I m'sanne eq nan ! I o quèks moés, j'os écrit qu'ech picard étoait causé din granmint ed poaiyis.

Alorss ! Eq j'écriche d'Ostabat, Castel, Neur, Vaylat, Lile, Tornai, Tornus, Loctudy, St Julien-ed-Concelles, Conques, Saugues, Aro, Ech-Capèle-Bouéxic, Camaret o ed lò ò eq j'ouvre, ch'est l'minme cose pour vos.

Quoé qu'est seur, ch'est eq min tcheur est in Picardie.

Avuc l'invie ed vos foaire plaisi et avuc ech plaisi ed vos lire.

A béto.

3 commentaires:

  1. Ej comprind cho qu't'es vux dire , mé mi cha m'dérange un molé quante ej bérdéle avu quiqu'un dé n'poin l'situé ( a peu prés) d'égzempe ...Bretagne , Alsace , PACA , Aquitaine ....m'afin tu voés quoé qu'éj vux dire ....ch'est conme si t'invoéyoés éne carté-postale pi qu'tu n'boutoés mie ch'code postale ! A n'o mie d'sin ! Népoint ..In tout les cas mes fichelles ed caleçon (félicitation) pou tes billets , feut l'fouére ed toudis avouér éne idée qu'al pousse l'eute !! Adé ech'zéf

    RépondreSupprimer
  2. Bojour ech Zèf. Din toutes ches villes, i o min village. Un village o i feut mie n'mie vnir in vagances : i o mie ches mers, ches montaignes et il est mie chu ches voées ed St Jacques-ed-Compostelle. Mais i o granmint ed glinnes.

    RépondreSupprimer
  3. 'Jour min camarate , ahh ! oz avinche un molé ; n'y o mie chom mére , poin non pu d' grands monts ; mé i o granmint d'glaines !! Hmmmm ....A sroét ti poin des glaines avoék éne Label rouche pi éne IGP ...Pi din l'coin des carettes qu'is foét'te un vion.nemint du diape durant 24H ! heinnn ? ( LOL) J'su ti din ch'bouin tchuin !!? Soin , j'ai poin dit "le bon coin " quoé qu'os volez qué j'voaiche foute d'sur l arnitoéle ! A t'érlire !! Adé ech zéf

    RépondreSupprimer