Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libe d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

jeudi 3 mars 2016

Echl'avion chin mneu

Avant-ièr, un avion chin mneu, qu'os appelons un drone, est vnu ed Bergike in Frinche. Et il alloait fin rade. Il o fallu qu'un avion, ch'keup chi avuc mneu, l'porsuive pour l'foaire tcheur.

Mais l'eute est tcheu tou seu, chu not bèle Picardie, din un can à Dizy-ech-cros, din l'Aisne.

Mi, ej dis deus coses :
- j'os apprins ò qu'est Dizy-ech-cros, près ed ches Ardennes. Ho leu foait unne boinne réclame et j'pinse eq granmint ed gins iront vir ch'village lò, o p't'ête in vagances.
- ches berges vouloai'te vir nos bieus cans ed punmes-ed-tère, vu qu'is in minge'te granmint. Sont mie des nikdouilles !

Quanq ej pinse qu'i o eds indroéts ò ches cornailles vole'te chu leu dos, pour mie vir l'misère alorss qu'à Dizy-ech-cros, ches berges invoéye'te un drone. Surprinse.

Aprè, os pouvons étou s'dminder quoé qu'i i éro un eute keup, aotché à ch'drone.

1 commentaire:

  1. Ièr au vèpe, j'os apprins qu'un eute avion chin mneu avoait mantché d'avoèr un accidint avuc un fin cros avion. Ch'est quoé qu'ech brin lo ?

    RépondreSupprimer