Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

dimanche 10 juillet 2016

I avoait-i l'djerre

Judi au vèpe, echl'étchipe ed Frinche ed fotbal rincontroait chtole-lò d'Allemane. Et o gaingné, ch'qu'étoait mie arrivé pour unne rinconte conme ho edpi mile-nu-chint-chincante-uit quanq Just Fontaine avoait mis quat keups ech ballon din ches cages allemandes.

Judi, echl'étchipe gaingne et vo juer, innui, l'finale dech championnat d'Urope ed fotbal. Championnat qu'ale ordjanise.

Boin !

I o granmint eds gins, din granmint ed villes in Frinche, mie in Allemane, tu t'doutes, qui, aprè ho, sont sortis et ont randonné (vir chu "ech picard esplitché") jusqu'à ech verdi, timpe au matin.

Conme in mile-nu-chint-quater-vint-dis-uit, quanq ches jueus, avuc Didier Descamps, avoai'te, ech keup-lò, gaingné l'keupe dech monde ed fotbal pour ech premier keup.

Mais judi, echl'étchipe ed Frinche o seulemint gaingné ech droét ed juer l'finale d'innui.

Et à vint deus eures, des gins dormoai'te !

Verdi, unne vieille fanme, qu'o malureusemint connu l'sgonde djerre mondiale, o dit :
- "Ièr, i m'sanne qu'i avoait miu ed gins déhiors à randonner qu'in mile-nu-chint-quarante-chonc quanq os rsonmes édvenus libe. Et ièr, i o mie ieu tous ches morts eq nos avoème ieu inter mile-nu-chint-trinte-sis et mile-nu-chint-quarante-chonc. Adon ! Qué dzoin ed randonner conme ho ?"

Boin diminche à tertous.

1 commentaire:

  1. Ha vo ti ED ! A 9 h au soér , os allons tranner les berbettes , a coeuse ? Ben , o n'avaoit mie battu chés Allminds dpis 1958 ( a lire ech billet a ED) ! Adon ; lo , on z'z a battu ! Pi d'l eute coté chés Portugais is ont janmoés battus chés bleus ! J'éspere qu a sro poin s'soér ! O voéro bien dmain ! Adé ez zéf

    RépondreSupprimer