L'eute jour, j'étoais in route à promner din em Deus-kvaus quanq, edvant, d'un keup, eds animaux : ch'étaoit un chirke qui s'étoait arté pour foaire poaicier ches girafes et ches nénéphants.
Don, ej m'arte, et j'attinds.
D'un keup, i o un nénéphant qui vient nos vir, m'voéture et mi, et qui s'assit chu m'voéture. J'o ieu unne freusse !
Ech mneu ed ches nénéphants vient m'vir et m'esplique qu'ach chirke, ech nénéphant, i s'ssit chu unne caïèle rose. Rose conme em Deus-kvaus. Don, quanq ech nénéphant qui poaiçoait o vu em voéture, il o foait conme ach chirke : i s'o assis.
J'o ieu l'freusse, mais aprè, ej su rpèrtie. Avuc m'voéture.
J'o voulu vir chi ale étoait mie berzillée. Pour ho, j'o baillé un tiot keup à gueuche, rin ! Pi un tiot keup à droéte. Rin !
Rin, à pèrt des cadoreus qui m'ont vu foaire ho. Is ont cru eq j'avoais bu et eq j'étoais seule. Is m'ont, eux étou, arté.
Ej leu o espliqué quoé qu'i avoait ieu avuc ech chirke et ches nénéphants.
Is ont mie voulu m'croère.
Il o fallu qu'ech mneu ed ches nénéphants vienche m'aidier.
Merchi Fernand, et à s'soeur Echlonbec !
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Ha vo ti ED ! Qué cirque; i t'én nn'o arrivé eune boéne ! Ét' fenme al t'os poin dit : Pour un coeup qu'ch'est poin ti qu'i foait ch'clown ! PDMM ! Adé Ez Zéf
RépondreSupprimer