Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

vendredi 3 mars 2017

Merchi min Zèf

Vos qui rbéïez min blog edpi granmint d'innées achteure, os avez vu qu'avuc li, ej mé su foait un boin conmarade : Ech Zèf.

Et Zèf o foait conme mi, vu eq ch'est li qu'o kminché aprè mi : il o créé un blog. Mi, j'i foait del réclame in heut à man droéte de l'page, pour i foaire plaisi.

Mais in janvié, malur ! Chin blog, "ech coin ed ches picardisants", chin eq Zèf comprinde eq quoé qu'o vnu, chin blog o disparu.

Adon, j'o traché chu internénet pour le rtruvoer.

Et un jour, j'o ieu unne canche ; Mie chtol de rtruvoer ech blog dech Zèf, malureusemint, mais ed démucher un eute site picard qui s'lonme "agince pour ech picard".

Adon, ej dis merchi à min Zèf. Mais j'ainmeroais granmint, pour tertous, qu'i rfoaiche un blog.

1 commentaire:

  1. Ha vo ti ED ! bé , cha fsoait un momint qué j'avoais poin vnu ranser d'su tin blog ! Contint pour ti qu't euche démuché ch'l agince pou l'Picard ! Y o tojours inne saquoé d'bien la d'din quante oz cafouille un molé ! El coin d'chés Picardisants i l'éziste tojours mais ... d'sur Facebook ! J'ai déjo pinsé dé r'créer un Blog ! In tout lés cas si j'el foait té sros el preume averti ! Adé ez Zéf (ou du moins ch'qu'i l'in résse ) !!

    RépondreSupprimer