... ch'est mi.
Ièr, os avoème déchidé d'aller vir un nveu, fiu d'un frère à m'fanme, s'fanme et leus tchyins. Edpi des smangnes eq ch'étoait prévu.
Deus-chint-dis kilomètes, in allant vers ech sud del Frinche.
Mais ièr, os étoème ech sis févrié. Et os avons ieu echl'impression eq toute l'Frinche alloait vir min nveu ; Os avoème oblié eq ch'étoait ech premier jour ed ches vagances d'école pour eds éfants, et leu pèrints.
Nos o fallu miu ed quat eures pour arriver amon min nveu. Coèr un molet, os sroème arrivés aprè qu'is euche'te mingé. Eroait mie étè del canche !
Au vèpe, i nos o fallu deus eures. Et rin d'eutes. Mais min nveu, s'mère qu'étoait lò, s'fanme et nos étoème fin ureus ed not jornée.
Boin diminche à tertous, chi os êtes mie coincé din vot voéture.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Aucun commentaire:
Enregistrer un commentaire