L'eute jour, j'invoée unne carte postale à m'bèle-mère préfèrée, comme ej foais ed tans in tans. Pour i foaire plaisi. Comme ej foais plaisi, j'espère, à d'eutes étou avuc d'eutes cartes.
Et avant ed mette ech carte din unne inveloppe, j'os écrit dsu, in bos :
- "Vot eute bieu-fiu vos invoée-t-i étou des cartes postales ?"
Pour rire.
Avuc min bieu-frère, os sonmes ches deus seus bieus-fius d'em bèle-mère. Et os nos foaisons des tiotes cacaouilles comme ho.
- "Qui qu'est ech miu ed ches bieus-fius ?"
In vrai, ho m'est bin égal. J'ainme granmint ech bieu-frère lo et os sonmes bin ureus ed nos vir. Ed tans in tans. Amon li, mais ej pux mie t'dire o i reste, pèr respect pour li,o amon em bèle-mère.
Bec à li, à m'bèle-mère préfèrée, et à tertous.
Aucun commentaire:
Enregistrer un commentaire