Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

lundi 15 décembre 2014

Rcette dech gatieu couet

L'est possibe qu'ej t'os djo baillé ech rcette lo ; m'tète est mie un ordinateur. Tu pourros dech keup l'rfoaire.

I t'feut :
- quat us,
- deus-chint grammes ed chuke,
- deus-chint grammes ed frinne,
- un sachet ed levure

- unne tèle,
- unne couet,
 

 - un four,
- du corage pour batte.

Prinde unne couet.

Mette ndin, chu ches bords et ch'couvèr, du bure.

Din un eute tèle, berziller quat us et les batte in omblète.
Mette apré deus-chint grammes ed chuke et batte chonc minutes.
Mette alorss deus-chint grammes ed frinne et batte coèr chonc minutes.
Mette un sachet ed levure, batte un molet et tout mette din ch'couet et chin couvèr.


Mette alorss quarante-chonc à chincante minutes din un four eq t'os alunmé avant, à chint-soéçante-dis degrés, o thermostat sis.

Apré, t'inlèves dech four et dech couet.

Tu pux alorss keuper in deus, horizontalemint, mette ndin del crème, du chucola o del confiture.

Tu pux étou, chi t'es un boin tchuisiner, mette dsu unne boinne crème moka.

Boinne accion à ti.

2 commentaires:

  1. J'ai donné un coupe de couet sur la tête de mon épouse, mais elle n'a pas aimé.

    RépondreSupprimer
  2. Couet ! Pour un coup, j'ai compris.

    RépondreSupprimer