Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

lundi 15 janvier 2018

Unne mouke à vianne

Pour mi, unne mouke, ch'est unne mouke à brin, o unne mouke à mié.

Eh bin achteure, i o étou des moukes à vianne !

Unne mouke à vianne, ch'est mie une mouke eq tu pux minger vu qu'ale o del vianne !

Nan !

Ch'est unne mouke qui minge del vianne.

Et del boinne vianne, vu qu'ale minge del vianne d'ainnieu.

I péroait qu'el mouke s'met din ches piés ed ches animaux pi les minge pèr ndan.

Cho doét foaire granmint ed mau. Ch'est minme seur, cho leu foait du mau.

Ches moukes lò, i n'éroait in Charinte et in Vienne, quanq i foait fin keud. Et is vienne'te ed ches Pyrénées. Qu'i péroait !

Mais is ont un nom, wohlfartia, qu'os diroème eq cho vient d'Allemane.

Soin à vos quanq os mingerez des tchuisses d'ainnieu din quèks tans, à ches Pâkes !

Et in étè din ches régions lò, pensez à bin vos néttier vos piés.

Aucun commentaire:

Enregistrer un commentaire