Edpi qu'ech Père Noë est passé ech darain keup, ej pux ed nouvieu acouter mes vius plakes.
Et ndan, i n'o un ed Loulou Rispal, cantalou, qui jue del cabrète.
Unne cabrète, pour ches gins qui connoai'te, cho rsanne à unne cornemuse, mais tu n'souffles mie ndan ; tu foais ch'vint avuc tes bros qui pompe'te unne pieu.
J'ainmoais acouter cho i o granmint d'innées, quanq j'étoais din chl'Aveyron.
J'ainme toudi, mais conme ej pouvoais pu els'acouter...
Don, l'eute jour, in écrivant, j'o acouté Loulou Rispal.
Qué bonnur ! L'polka pitchée, Chu ch'pont d'Intraygues, L'Canchon dech pastre.
Et tertous ches eutes.
Un jour, ej vos causero p't'ête ed Maumau Echlarchange, o bin étou Bébert Bras.
Mais ej pux surtoute vos conseiller d'aller dincher in Aveyron, quanq i o un jueu ed cabrète.
Continuez bin ech nouvèle innée.
Aucun commentaire:
Enregistrer un commentaire