Nan ! Des rincontes ed rugby, achteure in Frinche, i n'o mie granmint ; P't'ête coèr troès, et ches daraines, i o mie ieu sis à sis à l'fin d'unne rinconte.
Emn invie, innui, ch'est ed vos causer ed min appareil photo sis pèr sis qu'ej viens d'acater. Un appareil conme enn avoai'te ches grinds photographes.
Edpi, ej foais des photos carrées. Rbée !
Qu'ej fuche honnète, ch'est unne tiote mintirie : un appareil photo qui foait des photos sis pèr sis, et in argintique, ho veut granmint. Et j'ainme bin foaire des photos, mais j'os mie invie ed mette granmint d'argint din chl'appareil.
Don, pour foaire des photos carrées, ej prinds min fin tiot appareil, et j'i dminde ed foaire des photos "un pèr un". Carrées.
Soin ! un pèr un, ch'est ch'format ed ches photos. Echl'appareil foait ches photos unne pèr unne étou. Unne photo d'un pèr un, pi unne deusienme photo d'un pèr un, pi unne troésienme d'un pèr un et coèr et coèr
Des keups, j'i dminde étou, conme i o chint ins, ed les foaire in noèrt et blanc.
Et ej truvoe ho bieu.
Et ti ? T'in foais des photos ? I o granmint ed coses à prinde.
Ej définiro echl'article in pinsant à tous ches jonnes qui vont philosopher innui. Boinne canche à eux.
Ha vo ti ED ! A vir chés fotos qu'tas prind , ej trove qu'ét n apparéle foto i "marche" bien !! J'devroais min racater un d'apparéle a coeuse qu'el miéne i l'est triste à vir ! Eune foés qu'ej l'érais , feudro coér qué j'pinse à l'prinde quanq'os irons rouler ! Cha ch'est poin guégné ! Adé ez zéf
RépondreSupprimer