Lo, ej vux causer ed ches tricots ed pieu chin mankes. Mie d'un gars qui s'appélroait Marcel.
Marcel, vu ech forme de ch tricot ed pieu
Des marcels, j'in o qu'un ; em fanme ainme mie, alorss, pour i foaire plaisi, j'in acate mie.
Mais j'in o un. Ch'est min père qui m'l'o baillé. In vrai, ch'est m'mére qu'i o foait ho, quanq min père nos o tchittés.
Vu qu'em fanme ainme mie, ej lé met mie souvint. Mais un keup ed tans in tans, quanq i foait keud. Toudi avuc unne kmise pèr dsu. Pour éviter ches moukes.
Feut dire étou qu'avuc tous ches muskes eq j'o din ches bros, ches jonnes sroai'te péteus ed mé vir in marcel.
Comprins bin : t'os djo vu ches nasus qui s'proméne'te in marcel, des bros cros comme du fi d'acar, du lait au beu ed leu nez, ch'est pour ho qu'os s'appelons nasu, et quanq tu tousses, séclés comme is sont, is tcheu'te.
Em fanme vu mie eq ches jonnes lo brai'te mie in m'voéyant in marcel. Ale o boin tcheur, em fanme !
A tous ches lecteus eq j'ainme granmint, ej précise eq ches illustrations sont ed mie. Admirez ech qualité !
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Quel rapport avec les montagnes russes ?
RépondreSupprimerles "marcel" ça me fait penser aux dockers. Mais y a -t-il des mouches sur les quais?
RépondreSupprimerOui, les dockers portaient des marcels, tout comme les routiers, les débardeurs (ceux qui débardent pierres et bois... Cette forme permettait d'aérer les aisselles des travailleurs de force, sans l'utilisation de déo ;-)
RépondreSupprimer