Din ch'patis del Mare à Guernouilles.
- "Dis-mi, Blankette, kmint qu'i vo tin vieu ?"
- "I tute bin. Et tin vieu ?"
- "Uit moés, djo. Kminche à vouloér seutir ches filles à Maousse. Feudroait el canger ed patis."
- "T'os vu passer ech nu eures trèse ?
- "Avoait sis minutes d'rtard. Comme souvint !"
- "Noiraude, din ch'patis dech cinse dech Père Titisse qu'est din ch'bourg, m'o dit qu'ale avoait vu des boulons qu'étoai'te mie fixés. Mais ches trains roule'te fin rade quanq minme !"
- "Ech Père Titisse o ches ages innuit. Il est coèr jonne !
Ches ouvreus ed ches trains foai'te miu ches gréves eq d'intertnir ches voés pour ches trains ; Ureusemint eq nos, os voéyageons pu in train ! I o eq ches gins qui ch'in rinde'te mie compte."
- "T'os des nouvèles ed Taysse et Pouloune ?"
- "I pèrt'te édman à ch'montaingne pour chonc moés. Pinse'te vir ech Tour ed Frinche.
T'os seu eq chl'in passé, ech vieu à la Brunette ch'o pitché avuc unne adjuille qu'avoait ruée un coureu dech Tour pour chin déblaiyer ? Etoait comme un kvau : seuti toutes ches clotures avuc miu ed chincante chintimètes. Ch'o duré un moés. Pi, il o dormi."
- "Mi, j'ainme miu ches trains : i in o miu et vont moinss rade qu'ech Tour."
- "Et ed tans in tans, i s'arte'te un molet."
- "Un molet ?! Des keups, ch'est miu d'unne eure."
- "Ureusemint qu'i sont lo pour nos foaire rire."
- "Rviens m'vir pour ech vint eures trinte-sèt."
- "Avuc plaisi."
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Cher ED, plus vous écrivez en Picard, moins je comprends. Vous n'envisagez pas une traduction ?Certaines de mes relations semblent tout autant désemparées...
RépondreSupprimerA moins que ce ne soit réservé aux Picards ?
Pour bin apprinde, i feut causer et lire.
SupprimerPour vos aidier, ej foais mie complitcher. Comme cho, os pouvez comprinde ech sens dech phrase et ches quèks nouvieus mots.
Bec à vos