Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

mercredi 30 juillet 2014

Coés ed dates

J'o ch'droét ed prinde des vagances. Mais ej vux mie vos laicier chin nouvèles.

Dech keup, ej vos prépère toudi quèks articles in avinche. Apré, j'o ech coés din ches dates pour eq tu les voés.

Chi inter tans i s'passe quèk cose, et qu'ej pux écrire un article dsu, je l'foais. Eutermint, t'attinds min rtour et chi ej vux in causer..

Lo, ej sais eq j'o din m'so eds articles fin régalants. I m'sanne. A ti de m'dire.

Chi os êtes vagances, pinsez à foaire suire vot abonnemint à ch'site ; Quanq i plut à dague o qu'i foait granmint keud, tu lis ches articles. Quanq ches éfants dor'te apré-nonne, tu pux rbéïer. Quanq i n'o un o unne qui ronfe et qu'tu pux mie dormir, tu pux lire.

Quoé qu'i n'in fuche, boin été - j'o mantché d'écrire "apréseu" vu ech qui tcheut dech tans et qu'os s'croéroème in octobe - à tertous.

Aucun commentaire:

Enregistrer un commentaire