... in chint-dis-nu jours, et avuc chint-dis-nu gins vnus ed chint-dis-nu communes alintour ed Conty, din l'Sonme, l'bèle Sonme.
Ch'est un ju, o un défi, qu'o lancié unne bèle-soeur qui ouve din ches invirons ed Conty.
In vrai, pour kmincher, is sont chint-vint-nu gins à pèrticiper.
Et ed toutes ages : des jonnes, des moinss jonnes et des vius (Atincion : l'mort malureuse d'unne gin n'rinte mie din ches tchilos perdus).
I péroait qu'ech premier jour, tertous pesoai'te quat-mile tchilos. Pesés dsu unne bastchule à cars.
Cho m'foait rire.
L'précision del bastchule, ale est alintour de puss o moinns deus-chint tchilos.
Adon ?!
P't'ête eq uit jours aprè, o minme unne eure aprè, is avoi'te djò perdu ches tchilos.
A moinss qu'is l'o prins ?!
Ureusemint, vu ches tans qu'os avons achteure, qu'i o mie eq des vius à juer.
A suive.
Boin corage à eux, et buvez del'ieu.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Je me suis inscrit, c'est sympa.
RépondreSupprimerOn a des balades de proposer, des entrées à la piscine, des conférences sur le gaspillage alimentaire et le mieux manger, bref, à travers ce challenge, c'est tout un programme...