Ej vo mie vos dire qui, inter un bieu-frère et un bieu-fiu, ej préfère.
Minme chi j'o mn'idée.
O p't'ête unne !
Tiote anecdote : un jour, unne fanme o dmindé à m'fanme qui, inter ches chonc éfants qu'ale o, qui sont étou ches myinnes, qui qu'ale coésiroait ed seuver chi no'moaison étoait in route à asir.
M'fanme o répondu qu'ale les seuveroait tertous. Chi possibe.
Dman, i m'feudro coésir inter min bieu-frère et min bieu-fiu.
In vrai, feut qu'ej coésiche echtchèle ed ses deus étchipes ed rugby qui ju'te dman au vèpe ej préfère.
I n'o unne qu'est del ville ed min bieu-frère, et l'eute, del ville ed min bieu-fiu.
Mi, j'ainme chatchunne ed ches deus étchipes, et j'ainme bin min bieu-frère et min bieu-fiu, chti qu'est frinchoés.
Ej précise, vu eq j'o étou un bieu-fiu sibérien, d'unne ville sibériène dò qu'i o étou unne étchipe ed rugby, et bieu-fiu eq j'ainme granmint étou.
Adon ?!
Dman, au vèpe, min tcheur vo baloncher.
Minme chi j'o unne tiote préférinche.
P't'ête ?!
Ah ! cruel dilemme ! Même si ton beau frère est mon mari et que j'aurais tendance à souhaiter la victoire des rouge et noir, je souhaite un beau match aux auvergnats, parce qu'on les aime bien aussi. bisous et bon courage avec ta conscience !
RépondreSupprimerN'in vlò d'unne surprinze ! J'apprinds eq Guemlu sroait unne bèle-soeur ! Kmint jou eq ch'est possibe qu'ej me ranmintuvoeche poin ed tin tiot nom ?
Supprimer