Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libe d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

lundi 17 juillet 2017

Ches vint-quat eures

... et unne minute ed Vimoutiers, tiote ville ed l'Orne, in Neurmindie.

Vint-quat eures et unne minute ed course ed voétures, ch'est unne minute ed miu eq ches Vint-quat eures dech Mans din l'Sarthe, ville qu'est, ale, din ches Poaiyis-ed-Loère.

A Vimoutiers, l'course ed voétures est chin moteur. I o eq des gins, ches mneus ed voétures, qui pédale'te.

Is sont quat pèr étchipe, chatchun chin tour à pédaler, et i o eds étchipes qui font alintour ed sis-chint tours d'un kilomète. Don, alintour ed sis-chint kilomètes !

In vint-quat eures et unne minute.

Mi, qu'ej fuche honnête, ej connoais Vimoutiers ed nom. Mais j'ainme granmint miu l'tiote ville d'à côté qu'ej connoais étou qu'ed nom, minme chi i o eq sis-chint gins qui i rest'te : Caminbert.

Aucun commentaire:

Enregistrer un commentaire