Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libe d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

lundi 10 juillet 2017

Ches berbis din ch'train

Vlò miu ed sis ins qu'ej prinds ech train casi chake jour pour aller ouvrer.

Et din ch'train, i o d'eutes gins qui, conme mi, prinde'te ech train casi chake jour edpi sis ins et puss.

Et l'eute jour, ej mé su aperchu qu'i in o qu'ej connoais mie.

Pourquoé ?

Ej vos esplique.

Ech train, il o sèt o uit wagons. Et ches gins, conme mi, mont'te toudi din ches minmes wagons. O casi. Ches gins qui mont'te edvant mont'te toudi edvant, et ches gins qui mont'te din ches darains wagons mont'te toudi din ches darains wagons.

Conme un ho ed berbis.

Vlò kmint eq des keups ches gins n'rincont'te janmoais.

Aucun commentaire:

Enregistrer un commentaire