Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libe d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

dimanche 30 juillet 2017

Ches Amis ed Tous ches Efants dech Monde

Ch'est conme cho que s'lonme unne tiote corale ed galibiés qui vo canter, à pèrtir d'innui au vèpe justch'à ch'quatore dech moés d'eu, chu ch'Côte d'Opale, din ches églises ed ches villages dò qu'is iront canter.

I o rin à poaiyer, ch'est bin, mais os pouvez leu bailler aprè edl'argint qu'is invoéront à eds associations qui s'otchupe'te d'éfants qu'ont des problinmes. Ch'est bin étou.

Dò-jou qu'os pourrez les acouter canter ? Lò :
- au vèpe, l'chorale cante à Berck-chu-ches mers,
- ech mardi premier, à Tchéyeu,
- merkerdi deus, à Saint-Wary,
- judi troés, à Hornoé,
- verdi quat, à Martchise,
- sinmdi chonc, à Gamache,
- diminche sis, à Freuchéneuville,
- lindi sèt, à Stella-plage,
- mardi uit, à Esnèrpont,
- ech lindman, à Carcy,
- ech judi dis, à Anmyin,
- verdi onze, à Arainne,
- ech sinmdi douse, à Montreuil-chu-ches mers,
- diminche trèse, à Hèrdlot,
- et pour définir, ech lindi quatore, à Ch'Toutchet, ville bin connue pour ches pichons.

Feut qu'os allèche les acouter.

Et leu bailler un molet d'argint.

Chi os voéyez min nveu, foaisez li un bec d'em pèrt.

Boinne canche à ches éfants,
Boin diminche à tertous.

1 commentaire:

  1. Merci Monsieur pour ta pub, el' fiston va s'éclater. Pour ceux qui viennent de ta part, l'entrée est gratuite, pour les autres aussi. Bises

    RépondreSupprimer