I o quèks smangnes, alintour dech vint-chonc dech moés ed moai, ach téléphone, unne fanme m'esplique qu'ale vo aller planter ches punmes-ed-tère din ches Alpes, à Heuteluce in Savoé.
Mi j'i dis, in rigolant, qu'ale doét adon les dépouiller in septimbe.
- "Nan !" qu'ale me répond, "ej les minge à pertir dech tchinze juillet."
J'o rin dis ed puss, mais à mi qui su fiu et tiot-fiu ed cinsiers qui plantoai'te granmint ed punmes-ed-tère, din l'Sonme, dépertemint ed ches roés del punme-ed-tère, feut mie foaire croére cho.
J'o rin dis, mais j'o comprins : l'fanme met ches punmes-ed-tère in tère, et deus moés aprè, ale les défique ; Ches minmes, qu'ale défique.
Aucun commentaire:
Enregistrer un commentaire