... et j'te diro kmint eq tu lonmes.
I o des gins qui ouvre'te à cartchuler o connoaite ches tiots ed ches papars slon ò qui sont nés in Frinche.
Pour nos, picards del Sonme, h'est fin aisié : Louis pour ches gars, et Louise pour ches filles.
Louis ! Qu'est bieu tiot nom !
Em fanme et mi avons deus nveus qui s'lonme'te Louis.
I n'o un qu'est né à Nintes et qu'éroait du, i sanne, s'lonmoait Gabriel, vu ches scieintifiques. Nos, os lonmons Louis sèse, vu eq ch'est ech sèsienme tiot fiu d'em bèle-mère. Qu'i foaiche atincion à s'tète !
Etpi, os avons un eute nveu qu'est né din ch'Pas-ed-Calais et qu'os lonmons Louis quatore, vu eq ch'est ech quatorienme tiot fiu ed mes pèrints.
Ech miu ed ches Louis qu'ej connoais, ch'est min père. Achteure, ej dis Louis dort. Mais i dort pour toudi.
Ha vo ti ED ! A pérmet d'avoér ene tchote pinsée pour eum' Mémére conme o dit , qu'al nos a tchitté el lindmain d'Noé , al est pértie din ch'temps mon ch'paradis d'chés Mamies conme d'autchuns is dit'te ; mais poin mi , cha sro toudis mémére ! Al s'apploait Louisette
RépondreSupprimer