..., à Nantes. In vrai à quèks kilomètes ed Nantes.
J'i o étè judi. Et j'avoais unne eure et vint minutes à attinde qu'em fille arrive. Avuc un avion. Chin quoé, pourquoé aller à chl'aéroport ?
Quoé foaire in intindant ?
D'un keup, un avion pèrt dechl'aéroport. Cartchuler ech nombe d'avion qui pèrt'te et qu'arrive'te. N'in vlò unne boinne idée ! Eq j'os pinsé.
Don, un avion est pèrti. Pi deus, pi troés. Pi un avion qu'arrive.
Coèr vint-sèt minutes à attinde.
Un eute avion arrive. Un eute pèrt.
M'fille est lò. Don, un avion est arrivé. Un darain avion pèrt.
Os-tu cartchulé ? Chonc avions sont pèrtis, troés sont arrivés. In unne eure vint minutes et un molet ed sgondes in puss, uit avions.
Un avion tous ches dis minutes !
Judi, j'os comprins tous ches gins qui vu'te mie dech nouvieu aéroport à Not-Dame-ed-ches-Landes, à vint kilomètes ed Nantes.
Ech vrai problinme à chl'aéroport d'achteure, ch'est pour mette t'voéture quanq tu prinds un avion o quanq eq t'attinds unne gins.
El principal ch'est qu'tu n'seuche mie adover ; pachqu'is nn'o à décompter chés madjettes cha leu z'arrive ! Adé ez zéf
RépondreSupprimerNotre Dame des Landes, Pfff...
RépondreSupprimerNantes Atlantique, Pfff...
Avant, c'était l'aéroport "Château-Bougon". Au siècle dernier...