Tertout l'sait, Noé, ch'est ech vint-chonc déchimbe. Os disons eq ch'est ech vint-chonc déchimbe, minme chi des gins di'te eq ch'est mie ech vrai jour. Mais boin ! Tertout dit eq Noé est ech vint-chonc déchimbe.
Aprè, feut foaire l'fète. In principe, ech vint-chonc, don !
M'fanme est mi avons toudi fèté troés keups Noé : ech vint-chonc, amon un ed nos pèrints, et deus eutes keups, avuc seulemints nos éfants, pi avuc nos eutes pèrints. Tout ho, inter ech premier déchimbe, fin boin jour, et Pâke, in avri.
Mais cht'innée, il est granmint malaisié ed truvoer unne date pour fêter Noé avuc seulemint nos éfants, et leus conmarades, vu qu'is kminche'te à ramner un gars o unne fille à not moaison.
P't'ête bin qu'os frons rin. O alorss, m'fanme et mi. A vir.
Chi t'os tes ages innui, cros becs à ti.
Bonjour , jé'n connaichoés point vo blog , mais j'viens jusse ed finir ed lire chu moés d'novembe , qué plaisi d'vous lire ch'est vraimein du bieu traval . Pi surtout a foét plaisi d'vir l'amour qu'os portéche à chol langue Picarde ! Habile chés jours qu'is vienne'te pou qué j'peuche continuer m'lécture ! Et surtout n'artez point ; ch'est vraimein manifique ! ...à l'arvoéyure
RépondreSupprimer