Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

vendredi 27 novembre 2015

Janmoais vu ho

I foaisoait bieu, et keud. ech sinmdi sèt novimbe deus-mile-tchinze. Alorss eq min nveu dvenoait père, j'os tondu ches herbes ed min gardin ; Ech sèt novimbe deus-mile-tchinze ! Ch'est ech premier keup qu'ho m'arrive.

Pauve Ivo Lidi qui cantoait "ches feuilles mortes s'rammasse'te avuc unne pèle" ! Echt'innée, ch'est din l'tondeuse qu'is sont ches feuilles.


L'tondeuse, l'o mie ainmée ; Ale o funmé, conme pour m'dire qu'ale vouloait pu tonde. P't'ête minme qu'achl'ernouvieu, ale tondro rin. Ureusemint pour mi, din quarante jours, ch'est Noé. Chi ech père Noé m'intind, i séro quoé m'amner.

Mais d'ichi lò, j'éro p't'ête coèr dsoin ed tonde. Et avuc m'boinne tondeuse qui funme. Janmoais vu ho !

2 commentaires:

  1. Mi tou j'ai tondu hier ....pou l' darin coeup ....j'espére....Ein tout les cas , ch'est cho qu'j ai nmandé pour Noé !! min cadeau a mi ch'est : arter d'tonde ; siouplét !!!! Adé ech'zef

    RépondreSupprimer
  2. "Cet après-midi, je tonds !"
    bec

    RépondreSupprimer