Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

lundi 13 juillet 2015

Un tatouège din ch'dos

Unne nouvèle jonne fille ouvre avuc mie edpi deus smangnes, et pour deus moés.

L'eute jour, i n'o un qui i dit :
- "T'os un bieu tatouège din tin dos."

- "Merchi !", qu'ale i répond.

Et mi, j'i dminde :
- "Tu t'l'os foais ti-minme ?"

Ale buse un molet pi m'dit :
- "Euh ! Nan ! Ch'est mie possibe."

Apré, j'i os dmindé étou chi ale connaissoait l'canchon ed Renaud avuc un gins qui vouloait un tatouège, din chin dos, d'un aigue à ches ailes déploéyées et qu'i avoait mie ed place pour foaire ho, alorss, il o ieu un moinieu ed tatouer.

L'jonne connaissoait mie. P't'ête minme qu'ale connait mie Renaud ?!

Aucun commentaire:

Enregistrer un commentaire