Avant ièr, dis-nu eures chincante-chonc, ej rinte amon mi.
Dis-nu eures chincante-sis, ech téléphone sonne. Ej réponds. Ch'étoait em mère. Ho m'o foait plaisi.
Os s'tchittons à vint eures dis.
Vint eures onze, ech téléphone sonne. J'os toudi mie tchitté em casake.
Ch'est unne bèle-soeur qui avoait fini ed minger et qu'étoait in forme, bin qu'ayant granmint ed mau edpi deus ins. Ho m'o faoit granmint plaisi ed l'intinde et d'causer trinte-chonc minutes avuc ale. J'in os profité étou pour causer avuc chin onme, min frère. Alintour ed vint eures quarante-chonc, "adé !".
Déchidémint, i o des gins qui m'ainme'te.
J'inlève em casake, prépare des lédjumes.
Dring ! Vint-et-unne eures. Ech keup chi, ch'étoait min boin cousin avuc qui ej mèrche in montaingne l'étè. Coèr un keup, j'étoais fin ureus ed l'intinde.
Kmint vont ches éfants ? Kmint vo et fanme ? Quoé qu'os foaisez in étè ? Unne eure tchinze ed bonnur à causer avuc li. Ej mé dminde chi ch'fanme et ches galibiés étaoi'te mie à juer avuc un drone alintour ed Lanvéoc !
Vint-deus eures vint. Ej vos minger, et fin rade, coutcher.
Merchi à ches gins qui pinse'te à mi. Minme chi i m'téléphone'te mie.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Ton téléphone a dû se décharger, non ? C'est bien tous ces gens qui t'aiment. Mi aussi je t'ai téléphoné l'autre soir... Bisous
RépondreSupprimer