Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

lundi 12 janvier 2015

Deus bros deus gambes

Apré ches jours qu'os vnons ed vive, unne boinne nouvèle. Ho foait du bin.

Tertous a deus bros et deus gambes. In principe.

Et tu pux vive avuc un bros et, o unne gambe tout seu. Minme chi, bin seur, ch'est granmint malaisié.

Mi, feut qu'ej foaiche atincion, avant octobe deus-mile-dis-sét, ed mie perde un bros o unne gambe : i o ech boin conmarade à m'fille et qu'ej't'in os djo causé, qui vut, achteure, s'mèrier avuc m'fille in étè deus-mile-sèse. Feut don eq j'os mes bros et mes gambes pour aconduire m'fille din chl'église, in tète dech cortège.

Magine comme ej sus ureus et comme ej sro fiér !

J'os djo reservé toutes ches sinmdi inter ech chonc marche et ech sis novimbe deus-mile-sèse,  in atindant d'avoèr l'boinne date.

Chi tu connaois fin bin m'fille, foais comme mi.

D'ichi lo, feut mie qu'ej perche étou m'tète.

2 commentaires:

  1. Youpi ! ça se précise ! (enfin, je ne suis même pas sûre d'avoir compris quelle année ce serait...)

    RépondreSupprimer
    Réponses
    1. Guemlu, ch'est mie ech premier keup eq tu mets un mot chu min blog, et avuc un nom comme t'os, tu sros invité. Et toute et famille étou. Mais feut qu'em fille et chin conmarade, ej pux dire achteure chin cadoreus, vuche'te. Ej leu in causerai..

      Pour l'innée, ch'est granmint aisié à comprinde : os sonmes in deus-mile-tchinze, et aprè, os srons in deus-mile-sèse. In deus-mile-dis-sét o dis-uit, ej sro p't'ête un taïon ?!

      Bec à ti et ches TOULOniens

      Supprimer