Un tiot-fiu dech taïon dech taïon d'unne taïonne à mi eu un jour, i o miu ed chint ins, t'os comprin, el idée ed foaire unne association ed ches fiux, filles, tiots-fiux, tiotes-filles ed chin taïon et del fanme à chin taïon ; Etpi, ed tous cheux qui naîtroai'te ed ches gins lo.
Ech gars avoait djo trinte-deus frères, soeurs, cousins et cousines in dis-nu chint. Achteure, i o miu ed quate mile "cousins" din ech monde.
"Cousin", ch'est comme o qu'o s'appéle, in-n'huit, qu'o n'est deus ins o chint-sèt et qu'o fuche cousin par nos pères, nos mères o par ech taïon d'un père et ch'taoïnne d'un taïon d'unne mère.
Echl association est bin gérée et active. T'os un tas ed bénévoles qui rétchupére ches adresses, ches naissinches, ches mèriages, cheux qu'ont défuncté et ches eutes événemints. Chi t'os besoin d'unne info, tu leu écris et t'os rade unne réponche.
Tu vos in vagances, tu pux saluer un cousin o unne cousine. Mais t'es mie obligé. T'os un fiu qui pèrte o perpète pour apprinde quéq'cose, t'es rasseuré ed vir qu'i o un cousin mie loin.
Ches mi, t'os unne bistouille, et chi t'os el timps, os pouvons casser unne grainne. Tu vux dormir, os s'arringe.
I ont même invinté un logo eq tu pux coller ach l'arrière de t'voéture o det mobilette pour ête érconnu par ches eutes cousins. Ch'est sympa ; T'intinds un klaxon, ch'est un cousin qu'i t'salue.
I o granmint ed fraternité intér cousins. I feut eq cho continue.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Bien d'accord !
RépondreSupprimerDes fois, t'entends le klaxon, c'est que tu vas pas assez vite.
Vive la famille
Pour el vitesse, un taïon disoait :
RépondreSupprimer"Marcho, marcho, min fiu ; Faut miu arriver unne eure in rtard qu'avec une jimbe emboètée."
bravo et merci pour ce clin d'oeil à la famille.
RépondreSupprimerce blog picard me rappelle que ma mère était originaire de Nampty, un petit village à coté d' Amiens...