Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

samedi 7 septembre 2019

Un responsabe agritchole ed brin

Intindu timpe au matin din ch'poste ed radio.

Ech présidint d'unne cambe d'agritchulture causoait à un jornaleu ed ches décisions prinses pèr ech préfet ed chin dépèrtemint ed keuper eds oliviés.

- "Avant d'abolir ches deus abes qu'ont ech nouvieu mau, un insecte vnu d'Italie, feut vérifier qu'is ont bin ech mau-lò.

Aprè, l'est possibe d'impêtcher qu'ech bétail pèrte eute pèrt in mettant des filets alintour ed ches deus abes".

Fin cros nikdouille, responsabe ed brin, édjoïsse au possibe !

Ech mau est djò fin connu. In Italie.

Etpi, ch'est mie un problinme, mais un vrai fléau.

Feut don agir fin rade.

Mi, ej pense, qu'i feudroait keuper miu eq ches deus abes. Keuper ches oliviés din ches alintour d'un kilomète.

Et espérer.

Mais lò, chi ch'préfet acoute ech l'agritchulteu - qu'o p't'ête ches deus abes - os érons béto eds insectes à Nyons et pèrtoute dò qu'i o ches bieus abes.

Malureusemint pour ches eutes cinsiers, des responsabes conme cho, i n'o granmint.

Cho rime avuc brin.

Adon, brin.


Aucun commentaire:

Enregistrer un commentaire