Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

mercredi 5 décembre 2018

Tu pux alunmer

Ièr, echl'ôpital d'Anmyin o ieu un problinme d'éctricité.

Un sapré problinme, vu eq durant miu d'unne eure, i avoait pu d'éctricité.

Magine !

Un séruzyin qu'étoait in route à opérer unne gin quanq i o ieu ch'problinme.


Quèks minutes aprè :

- "Quoé eq t'os foait ?" i dminde un collègue.

- "J'os voulu keuper l'man qu'étoait afolée" qu'i répond echt onme.

- "Ouais ! Bin t'os keupé l'gambe !"

Mi, ej dis eq pour ches gins qui sont opérés, i o mie ed problinme, vu qu'is dorme'te quanq ches séruzyins s'otchupe'te d'eux.

Mais quanq minme !

Chi t'es unne fille qui vit avuc min fiu, eq t'ouves des keups din un ôpital, et eq t'os ets ages innui, cros à ti. Et à min fiu.


1 commentaire:

  1. A vo ti ED ! N'y o dés cérusiens qu'ch'est poin dés " LUMIERES " Adé éz zéf

    RépondreSupprimer