Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libe d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

jeudi 12 avril 2018

Echt onme au képi

L'eute jour au vèpe, din unne station dò eq j'attindoais un train pour un keup qu'i in avoait un -, ej foais des photos.

Conme souvint.


Vlò qu'un onme avuc un képi chu ch'tète vient m'vir et m'dit eq ch'est interdit qu'ed foaire des photos din l'station, qu'i feut dminder avant.

Et mi, j'avoais rin dmindé. J'o janmoais dmindé pour foaire unnne photo.

- "I o un réglemint din l'station dò eq ch'est écrit", qu'i m'dit.

Adon, os allons tous deus lire ech fameus réglemint.

- "Lò !" qu'i m'dit.

Mi, ej lis eq ch'est toléré ed foaire des photos, à pèrt chi os êtes un onme d'éto. Chi os in êtes un, ouais, i feut foaire unne dminde.

Mais cht'onme au képi continuoais d'em dire qu'i feut foaire unne dminde.

Ej su pèrti prinde min train.

Et rfoaire unne tiote photo.



1 commentaire:

  1. Ha vo ti ED ! Vraimint o voéro d'toute ! Y-o mie qu'chés trains qu'is déraill'te !!

    RépondreSupprimer