Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

vendredi 16 décembre 2016

Quoé qu'os frons ed li

Ah, ches pauves pèrints !

Is ont ieu un fiu qu'is ont lonmé William.

Djò, quoé qui  leu o prins ed li bailler un tiot nom inglés ? Mais ch'est mie leu problinme.

O bin, in vrai, ch'est leu problinme mais ch'est mie d'ho qu'ej voulaois causer.

Leu William, il ouvre janmoais. A kmincher pèr l'école.

Et ch'est ho qu'o intchiété ches pèrints. William o grindi, et eux disoai'te à leus famille o amis :
- "William, i sait rin."

Adon ?!

Kmint qu'ho s'foait qu'achteure i o unne interprinze qui s'lonme William Sairin, dech nom dech galibié qui savoait rin ?

Qu'i pèroait qu'i savoait rin. Mais vu qu'il o ieu unne interprinze à chin nom, ej mé dminde quanq minme.

Pour définir echl'article, i sanne quanq minme qui savoait rin, o p't'ête mie grind cose, vu qu'echl'interprinze vo frunmer.

Malureusemint.


Aucun commentaire:

Enregistrer un commentaire