... sont foaits pour ête battus.
Tertout l'sait.
Battus, chin tricher.
Mi, pour min blog, des keups ej foais del réclame. Et quanq j'invoée ches messages ed réclame pour min blog, j'o miu ed lecteus.
Adon ?
In octobe deus-mile-trése, mile-deus-chint-quater-vint-dis lecteus. Ej kminchoais. Seuremint des tchurieus.
Pi je n'o ieu moinss. Alintour ed deus à quat-chint pèr moés.
Pour ches articles, minme cose : un à dis lecteu pèr jour pour kmincher.
Pi un jour, ho cange. Après unne tiote réclame, o après un keup ed canche.
Déchimbe deus-mile-tchinze, i o echl article chu "tout kminche ach Beu-dech-tère" qu'arrive à quat-chint-chincante-uit keups rbéïé. Béle surprinze pour mi.
Granmint esseptionnel.
Et nos vlò arrivés in novimbe deus-mile-sèse. Miu ed chint lecteu pèr jour ! Miu ed deus-mile-chonc-chint lecteus in un moés !
Et achteure, il est possibe qu'ech rcord dech l'article chu ech Beu-dech-tère fuche battu béto.
Ej su ureus. Ecrire m'amuse et m'foait plaisi. Don, chi i o granmint ed gins à rbéïer, ho m'foait granmint plaisi.
Et ej vo continuer.
Merchi à tertous.
Ha vo ti ED ! Mi y-o inter dix et tchinze gins qu'is lit't més billets ! Jéroais quére qu'i n'n euche plus ! Avaro pététe aveuc el temps ! Quante tu dis ech foais dol réclame ! Ch'est fin bien , mais ...cmint qu'tu foais , cha m'intéresse ! Adé ez zéf
RépondreSupprimerMin Zèf, pour foaire ches réclames, ej prinds ech lien qu'i o et ej l'invoée pèr internénet à ems onkes, tantes, cousins, cousines, frères, bèle-mère, mère, nveus...
SupprimerHo foait miu ed troés ins eq j'écris, et ch'est seulemint achteure eq j'o, i sanne, granmint ed gins qui rbé'te.
Corage à ti.