Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

samedi 12 décembre 2015

Soéçante-dis ins aprè

Ches fanmes vot'te innui in Arabie Séoudite, pour ech premier keup. Un molet puss ed soéçante-dis ins aprè ches fanmes frinchaises in Frinche. Tertout sait eq ches frinchais vot'te in Frinche et mie in Bergike o ach Costa-Rica o coère ach Turkistan.

Don, ches fanmes vot'te innui in Arabie Séoudite. Pour ches elections municipales.

I péroait qu'i in éro inter troés-chint et mile qu'iront voter o qui pourront voter. T'es surprins ed lire ho. Mie ed berlure : inter troés-chint et mile, et nan inter troés-chint mile et mile-mile, qu'i froait un millon.

Alors, tu té dmindes combin qu'i o ed gins qui vive'te din ch'poayis ! Vint-uit millons.

Mile fanmes o moinss qui vot'te, ch'est, os pouvons l'dire o l'écrire, rin.

L'journaleu qui causoait au matin din ch'poste ed radio, disoait eq ch'est vrai, mais eq ch'est fin important din un poayis conme ho. Poayis ò ches fanmes, coèr un keup, pu'te mie mner unne voéture. Et lò, qu'is fuche'te dech poayis o d'un eute..

Etpi, n'rions mie : din not poayis, tous ches gins ed miu ed dis-uit ins pu'te voter, mais seulemint chincante pèr chint l'font.

3 commentaires:

  1. J'ai presque tout "comprins", comme vous dîtes. Mais l'Arabie, c'est où, dites ?

    RépondreSupprimer
  2. Ch'est poin granmin ...mais , is s'reserve'té p'téte pou ch'deuziéme tour !! LOL

    RépondreSupprimer
  3. "C'est par là, mec"
    Bien sûr....
    Avec ou sans l'accent picard, breton ou corse...

    RépondreSupprimer