Ho vote ed pèrtoute edpi quèks tans.
In Frinche i o un molet miu ed uit et tchinze jours, os avoème ech droét, ech devoèr j'os invie d'écrire, ed voter pour ches elections régionales. Tertout connoait achteure ches résultats, et ches présidints ed région. Minme chi i n'o qui sront élus ech quat janvié !
Ech darain diminche, ch'étoait in Espane, coèr pour eds elections. Lò-bòs, tertout o gaingné, tertout o perdu. Ho vo ête granmint malaisié ed gouverner.
Feut mie oblier étou ches elections pour ech Miss Frinche qu'étaoi'te sinmdi au vèpe. Surtoute eq ch'est unne fille ed not région, Nord-Pas-de-Calais-Picardie, merchi à ch'régionalisation, qu'o gaingné.
Etpi, i o not Nénèrd !
Nénèrd avoait gaingné quat-chint-millon d'euros, et l'eute smangne, il o apprins qu'i dvoait les rinde. Dech keup, i vut ervénir in politique. Ho doét bin poaiyer ed foaire onme politique. O, Nénèrd o vu kmint in profiter pour rétchupérer echn'argint. Ch'est étou bin possibe.
Nénèrd est un onme qui vo, malureusemint, coèr un keup, bailler invie à des gins ed mie voter.
Boin Noë à tertous.
I o du vrai qu'i sort d'ét bouque min comarate ! Boén réveillon et Joéyeux Noé à tartous !! adé , ech Zéf
RépondreSupprimer