Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

samedi 21 février 2015

Unne vake à Paris

L'eute jour, j'os érchu unnne carte postale d'unne bèle-soeur, edpi Paris. Chu l'carte, i avoait un poaiyIsan qui poussoait unne vake pour qu'ale monte din un bus.

Et, m'bèle-soeur m'écrit qu'ale n'in o mie vu unne, ed vake, à Paris.

Pauve bèle-soeur ! Ale i o été quanq i falloait mie, à Paris. A pèrtir d'achteure, i o ech salon ed l'agriculture.

Ch'est seur qu'ièr, m'bèle-soeur éroait vu ches vakes, ches berbis, ches kvaus, ches glinnes, ches madgètes, ches porcheus, ches codins et eutes arriver in train, pi din ch'métro. J'ainme granmint vir ches pèrisiens qui connoaî't'e mie ho s'pincher leu nez o qui met'te leu piés din quoé qu'i feut mie.

Feudro qu'em bèle-soeur i riro, in m'dmindant  ches boinnés dates. Din un in.

Et comme ho, j'éroai coèr unne bèle carte. D'em bèle-soeur.

Aucun commentaire:

Enregistrer un commentaire