- "Feut qu'ej foaiche et qu'j’invoéche m'dminde pour ech nouvèle école avant dman. Apré, sro pu possibe.
Pour ho, i m'feut mes bulletins ed l'école, l'fiche ed ches impôts ed l'in darain, deus photos ed mi et unne siniure ed min père et de m'mére.
Min père est coutché, vu qu'i s'déjoutche tous ches jours à chonc eures trinte. Ej vos quinq minme i dminder.
Ches photos ? Brin ! j'in o mie lo !"
Tout ho est mie vrai. Ej pux mie vive comme ho, à tout foaire in urgince. Ej foais au miu pour n'mi avoèr ed méchantes surprises à l'fin.
Pèr eximpe, ach trinte novimbe, ej doés avoèr fini quater-vint conventions. Et i o granmint à foaire pour ho. Dech keup, j'ouvre innuit, seu achl'interprinse, avuc m'fanme et min fiu qui sont à l'moaison. Ch'est mie régalant, mais j'ainme miu foaire comme ho ; ch'est unne premiére pour mi edpi béto trinte ins eq j'ouvre.
P't'ête qu'ach sis novimbe, j'éroais tout défini. Tant miux.
Mais p't'ête étou qu'i feudro eq j'ouvre un eute sinmdi. Et p't'ête minme eq cho sro mie assufisant. Ho sro mie feute d'avoèr ouvrer.
P't'ête qu'os vos dîsez : "quoé qu'i gaingne à foaire ho ?"
Rin; Ej dormirai miu.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Les fonctionnaires, c'est pas ce qu'on croit...
RépondreSupprimerLe sens du devoir, oui !!! Normal... Même si 80 % des français, hors fonctionnaires, pensent que les fonctionnaires ne sont des nantis faignants...
RépondreSupprimerMême pas vrai, il reste un paquet de fonctionnaires professionnels, qui ont le goût du travail bien fait. Ouf !
Je confirme, je l'ai fait jadis...
RépondreSupprimer