Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

mardi 9 septembre 2014

Chinture et bertelles

Ièr, ej pèrte prinde ech train pour aller ouvrer. Arriver à l'gare, ej voés eq j'o oblié em chinture ed patalon. Et j'mets mie ed bertelles.

Brin !

Mais j'o min patalon. Djo ho !
- "Coèr ureux !" qu'ale m'o dit, unne bèle-soeur.

Ej conte ho à mes frères et i n'o un qui m'réponds :
- "Chi t'os tin patalon, tu pourros mette tes mans din tes pokes à tin bureau."

Un eute m'o dit :
- "Chi t'os mie perdu granmint ed poéds fin rade, cho dvro aller".

J'in o bin perdu, mais mie granmint, et min patalon tient. Ureusemint.

Innuit, j'o min patalon, et unne chinture. Mais mie ed bertelles.

J'in profite pour vos dire qu' feut mie foaire confiance à un gars qui met unne chinture et des bertelles à chin patalon. Comme disoait un gars qui warde ches vakes din chl'Ouest ed ches Anméritkes a un eute gars qui, li, avoait des bertelles et unne chinture à chin patalon ;
- "Ech gars lo a mie confiance din chin patalon !", qui disoait. Et il le tuoait alorss eq l'eute...

Din qué film jou ? et qui dit ho ? T'os un molet dech tite din chl'article, o dsu. Eute cose : i foaisoait quèk cose comme mi.

Aucun commentaire:

Enregistrer un commentaire