Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

samedi 28 juin 2014

Pelé

Unne punme. Nin ! J'éroais écrit "peler" unne punme. Pi in vrai, i feut dire "plunmer" unne punme.

Pelé, ch'est ch'roé du fotbal.

Chin vrai nom, Edson Arantes Do Nascimento. Chin étchipe, Santos fotbal club. Et chin nombe din chin dos, dis.

Ej cause ed li, vu qu'il est brésilien, qu'achteure i o ech keupe dech monde ed fotbal din chin poaiyis, et qu'au vèpe, chin poaiyis jue.

Pour mi, i o mie ieu miu q'li comme jueu ; Troés keupes dech monde ed fotbal gaingnées inter dis-nu-chint-chincante-uit et dis-nu-chint-soéçante-dis, miu ed mile buts inscrits din ch'vie, et mie ed triche. Et eds invintions in fotbal : ech bale pèr dsu l'eute jueu, o à gauche ed l'eute jueu pi i court à ch'droéte. Feut rbéer chu internenet. Ch'est fin bieu.

Os pouvons pt'ête récomparer ech tiot Messi à li, minme chi li o mie coèr gaingné unne keupe dech monde ed fotbal. Mais mie d'eute jueu, minme argintin.

Ej vux mie causer granmint ed fotbal, mais dech roé Pelé, i falloait.

Aucun commentaire:

Enregistrer un commentaire