Qu'i m'sanne.
Chake innée edpi quèks innées, ej vos cause ed ches bieus lanchrons, bin gannes, ach moés d'avri.
I o souvint quèks fin bieus jours dò qu'os pouvons in tcheuillir pour les mette à sétchir avant d'in foaire del confiture.
Mais cht'innée, ej voés poin, o mie granmint, ed lanchrons.
Kmint jou eq ch'est possibe ?
J'o pusieurs idées del coeuse :
- ech fanmeus virus d'achteure o touché ches lanchrons,
- i o granmint moinss ed voétures qui roule'te, don, moinss ed lanchrons,
- os sonmes poin ach moés d'avri,
- i o moinss ed lanchrons ches innées bissètes,
- i o granmint moinss ed gins qui ouve'te, don, is ont djò tcheuillé ches lanchrons.
Vos qui rbéïez min blog et qu'avoai'te du tans pour rbéïer à l'cour et buser, disez-mi chi os voéyez granmint ed lanchrons o chi os avez unne idée.
Boinne jornée à vo'moaison.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Inscription à :
Publier les commentaires (Atom)
Ici, un peu de lanchron sur la pelouse, mais pas trop. La confiture sera pour une autre fois
RépondreSupprimer