Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

mardi 31 mars 2020

Rkmincher à zéro

Os l'disons, disons et rdisons coèr : achteure, i feut rester à no'moaison.

Chatchun din s'moaison durant miu ed quatore jours, et os n'devroème pu causer dech cros et fin tiot virus.

Diminche, os étoème, in principe, à douse jours.

Béto djéri, béto trantchille. I o mie dzoin dé rmette tchinze jours ed puss conme cho o étè foait dò qu'i feut à nouvieu n'poin sortir ed nos'moaison.


Bin, diminche, j'o comprins qu'i feut. J'esplique.

Maginez !

Din m'moaison, os sonmes troés à i vive edpi ech dis-sèt dech moés ed marche.

Et pèrmi nos, i n'in o qu'ainme seuver des vies.

Diminche, deus keups l'o étè appelé pour seuver des vies. Et i o un keup dò eq ch'étoait pour unne gin qu'o p't'ête, casi seur, ech fanmeus mau.

Quanq min fiu l'o rintré à no'moaison, seur qu'il o fin atincion à ches pérints.

Mais n'impêque ! Os avons rkminchér à cartchuler ches quatore jours edpi diminche. Ch'est long.

Fuchez tertous prudent, et corage et merchi à tertous ches gins qui seuve'te o aide'te à seuver des vies.


Aucun commentaire:

Enregistrer un commentaire