Dvinez quoé !
Mardi au matin, in vagances amon m'bèle-mère, os prindoème un ju quanq m'bèle-mère m'o dit :
- "Tu voés, achteure, m'voésine... bla bla bla ... . Etpi, tu sais eq j'o... bla bla bla ... ."
Tu !
Béto trinte-et-unne innée qu'os nos connoaissons, et pour ch'premier keup, ale m'o dit tu.
Conme ale l'foait à unne eute bèle-soeur edpi miu ed trinte ins.
Achteure os sonmes deus bieus-éfants, et seulemint deus !, à qui qu'ale dit tu, o qu'ale o dit, vu eq pour mi, cho o duré unne dmi-eure.
Ch'est un boin début.
Boinne jornée à ti.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Profite bien, gendre préféré !
RépondreSupprimerGuemlu, ej su bin ureus ed te lire. Mais tu foais unne berlure : ej pux mie ête ech bieu-fiu préféré, vu qu'em bèle-mère o un eute bieu-fiu eq j'ainme bin vir et qu'est fin régalant.
SupprimerA béto !