Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libe d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

samedi 3 mars 2018

L'bète et l'bèle

Os connoaissez tertous ech conte qui s'intitule l'Bèle et l'Bète.

Seuremint miu eq mi.

Mais judi, j'o étè ach Salon ed l'agritchulture, et j'o vu deus bèles d'un keup : l'vake aubrac qui s'lonme Heute et qu'ej vos in o causé i o sis o sèt jours, et el puss bèle fille ed Frinche deus-mile-dis-uit, qui, conme pour deus-mile-dis-sèt, est ed ches Heuts-ed-Frinche.

J'étoais in route à causer avuc ech cinsier qu'o l'vake quanq os avons apprins qu'el fille alloait arriver pour vir Heute, s'vake.

Adon, i m'o tchitté pour aller atcheuillir l'jonne.

J'i o crié :
- "Foaisez-li un tiot bec".

I m'o intindu, vu qu'i l'o foait.

J'o adon vu un onme ureus.

Et mi étou, j'étoais ureus.

Minme chi j'étoais mie tout seu à ête lò et à foaire des photos.


Etpi, l'vake, ale est toudi unne bète, minme aprè avoèr ieu un tiot bec del bèle.

1 commentaire:

  1. Ha vo ti ED ! Ch'titation : Quante l'honme i s'o appercheut qu'cho'v vaque al donnoait du lait . Quoé qu'ch'est qu'i cachoait ézactemint s'jour la ?! Adé ez Zéf

    RépondreSupprimer