Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libe d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

mardi 13 mars 2018

Is tchit'te ech pèrti

I o quèks jours, i m'sanne eq ch'étoait merkerdi, j'o intindu un
jornaleu dire ach poste ed radio :
- "Che socialisses sont granmint à avir tchitté discrètemint ech pèrti
edpi un in."

Busons un molet.

Granmint, et discrétemint ! Jou eq ch'est possibe ?

Magine unne salle dò eq t'os vint-mille gins.

I n'o unne qui pèrt. Tu l'voés mie. Et os pouvons adon dire qu'ale o
pèrti discrétemint

Mais quanq i n'o mile qui ont pèrtis, cho kminche à s'vir. Et lò, pu
possibe ed dire eq ch'est discrètemint.

Qu'i m'sanne.

Boinne jornée.

Aucun commentaire:

Enregistrer un commentaire