Os sonmes libe ed nos esprimer.

Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.

Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.

vendredi 16 octobre 2015

Nouvèle cousine

Edpi mardi, j'os unne nouvèle cousine.

Nan ! Vu ches ages ed mes onkes et tantes, j'éro mie janmoais ed nouvèle cousine. Mais j'os démuché unne nouvèle cousine : din ch'film "Ech vie est un long fluve trantchille", ed mile-nu-chint-quater-vint-uit, din ch'nord dech Frinche.

Tertous connoait, mais j'te conte un molet :
Deus fanmes ont un papar qui nait ech minme jour, unne fille et un gars. Mais echl'infirmère, qui s'otchupe ed ches papars din l'maternité, les cange ed mère. Ches deus fanmes n'voé'te rin ! unne fille et un gars ?!! Admettons.
Un jour, quanq ech fanme dech séruzyin qu'o foait naite ches deus papars meurt, echl'infirmière, qui ainme ech séruzyin edpi eds innées, pinse pouvoèr vive avuc li. Mais i vut mie. Alors ale écrit troès lettes, pour ches deus mères et ech séruzyin, pi pèrt dech ville. ....Suspinse. Rbée ech film coèr un keup.

Ej t'os djo granmint causé, chu min blog, dechl'association ed ches cousins, ed ches fetes, ed leu jornal eq j'ainme érchuvoèr, pèr eximpe.

Eh bin ! echl'infirmière dech film, quanq ale pèrt, ale frunme ech coffe d'ess voèture, et quoé i o dsu ? Echl'autocollant ed l'association ed nos cousins. Ch'est don unne cousine.

O ale o acaté ech voéture ed min taïon.

1 commentaire:

  1. C est drôle qu'un cousin est vu ton blog. C'est super gentil à lui d'avoir répondu. Bonne continuation pour ce blog

    RépondreSupprimer