Pour vive, t'acates à minger. Et des keups, malureusemint, i in o granmint, o ch'est mie boin.
Alorss, tu l'bailles à tin coéchon eq li, tu mingeros din quèks moés. T'os mie ed coéchon, vu tu restes in ville, tu l'bailles à tes glinnes. Et tes glinnes t'front eds boins us.
Sinmdi, amon mi, j'avoais dech cavioar à minger. Dech vrai caviar russe, qui vient ed Russie. Mais il étoait mie boin. Pour nos.
Alorss, minme chi ej su mie in ville, j'os des glinnes et mie ed coéchon. T'os comprins quoé qu'est dévnu ech caviar !
Donmage ! Ch'est mie tous ches jours qu'os avons ho à minger. Ed minme pour nos glinnes.
Bojour tertout. Ech blog est foait pour dviser in picard ed toute, chin dire du mau ed ches gins et chin mette ed noms. Ej vux moutrer kmint eq ch'est possibe ed foaire plaisi à tertous avuc mie grind cose.
Os sonmes libe ed nos esprimer.
Sét janvié deus-mile-tchinze.
Din min poaiyis, os sonmes libes d'écrire, ed dessiner, ed pinser et d'causer ed quoé qu'os voulons, quanq os voulons. Os sonmes libe ed nos esprimer.
Ej préfère moérir dbout qué d'vive à gron.
Vint-uit septimbe deus-mile-dis-uit.
Ej minge del vianne et soutiens ches bouchers et ches abattoèrs.
Aucun commentaire:
Enregistrer un commentaire